ATAX

ATAX

fluv. Galliae Narbonens. ex Pyrenaeo monte oriens, in ea parte Comitatus Ruscinonensis, quae Capsir dicitur. Alluit Limosium, Alethum, Carcaslonem, et Narbonern Occitaniae Urbes, nisi ubi Narbonem attingit, nusquam navigabillis; dein auctus aliquot fluviolis, in mare Mediterraneum se exonerat. Eum accipit lacus Rubresus, spatiosus admodum, sed qua mare admittit, tenuis aditu, l' Estang de la Rubine. Utriusque meminêre Mela l. 2. c. 5. et Plin. l. 3. c. 4. Notus est etiam Atax Straboni et Prolemaeo, ut et Fortunato Carm. l. 6. sed Strabo faillitur, cum ait eum, ut Obrim et Araurarim amnes, e Cemmeno in mare delabi. Idem Atacus Stephano, Atagus et Attagus Rufo, Festo Avieno. Vide Hadr. Vales. in Notit. Gall. Vulgo Aude. Lucanus l. 1. v. 403.

Mitis Atax Latias gaudet non ferre carinas.

Tibullus l. 1. El. 7. v. 3.

Hunc fore Aquitanas posset qui fundere gentes,

Quem tremeret forti milite victus Atax.

Sidonius Apollinaris,

Atacem tonare cum suis oloribus.